Zabalik Euskal Jaiak, Estropadak eta Aste Nagusiaren karteletako lehiaketa

Donostia Festak-ek 2018ko udako festak iragartzeko kartelak aukeratzeko lehiaketa deitu du eta partikularrak zein enpresak parte hartzera gonbidatzen ditu gaur, hilak 23tik, martxoak 23ra bitarte.
Nahi diren lagin guztiak aurkeztu ahal izango dira; lagin horiek lehendik argitaragabeak eta originalak izan behar dute. Zirriborroak A 3 formatuko euskarri zurrun bertikalean nahiz horizontalean aurkeztu ahal izango dira, edo baita ere, euskarri informatikoan (JPG formatuan, 72 pixel/hazbeteko bereizmenean eta 62 x 88 zentimetroko neurrian).
Udaleko, Donostia San Sebastián Festak eta Donostia Kultura logoak izan beharko ditu (eskuragarri www.donostiakultura.eus-en) eta modalitatearen arabera ondorengo inskripzioak izan behar ditu:
-Aste Nagusia 2018 Semana Grande
Abuztua 11-18 Agosto
Donostia / San Sebastián
-Euskal Jaiak 2018
Abuztua 30 Agosto – Iraila 9 Septiembre
Donostia / San Sebastián
-Donostiako Estropadak 2018
Regatas de San Sebastián
Abuztua 30 Agosto, Iraila 2 eta 9 Septiembre
Kartel irabazleak maiatza eta abuztua artean ezagutzera emango dira eta saria 1.000 eurokoa da, zergak barne.
Informazio gehigarria webgunean: [email protected]