Urriaren 19an Donostiatruk, bigarren eskuko azoka

Datorren larunbatean, urriaren 19an, Donostiatruk bigarren eskuko azoka ospatuko da Easo Plazan, 10:00etatik 14:00etara.

Merkatu historiko hau plaza honetan ospatzen da hilabeteko hirugarren larunbat guztietan.
Oraingo honetan, 11:00tan, Easo Musika Eskolako «Arpas Easo» musikariek emanaldia zuzenean eskainiko dute.
Gainera, Egia auzoko Km0 jatetxe begano begetarianoan bi lagunentzako bazkaria edo afaria zozkatuko da erosketaren bat egingo dutenen artean.

Donostiatruk Donostiako udal gobernuko Osasun eta Ingurumenaren Zuzendaritzak antolatzen duen bigarren eskuko objektuen azoka da. Azokan 40 postutik gora jartzen dira eta bertan, adibidez, arropa, jostailuak edo liburuak topatuko dituzu.

Nola parte har dezaket?
• Zuzenean interesatzen zaizkizun objektuak eros ditzakezu postuetan.

• Zure objektuak guk saltzea nahi baduzu antolatzaileen postura ekar ditzakezu goizeko 09:30k eta 10:00k bitartean. Prezioa jarri ondoren bertan utzi eta merkatua amaitzean dirua jasotzera, edo saldu ez badira objektuak hartzera, itzuli behar da. Gehienez 5 objektu utzi daitezke.

• Azokan salmenta postua jarri nahi baduzu aurrez izena eman beharko duzu. Epea zabalik egongo da astebete lehenagora arte. Izena emandako guztien artean zozketa egiten da. Merkatua egingo den asteko asteazkenean pertsona guztiei jakinaraziko zaie emaitza. 

Online merkatua
Donostiatruk-ek norbanakoen artean bigarren eskuko objektuen erosketa/salmenta errazteko bertsioa du sarean. Beraz, nahiago baduzu bertan iragarkia jarri eta objektuak sal ditzakezu. Bestalde, behar ez dituzun objektuak oparitu egin nahi badituzu honako web orri hau erabil dezakezu: nolotiro.org Bestela, horiek bildu eta berrerabiliko dituen elkarte bati dei egin diezaiokezu: emaus, cáritas…

Zalantzak edo informazioa galdetzeko, 943 483 390 telefonora deitu, edo mezua bidali posta elektroniko honetara: [email protected]
Twitter: #donostiatruk