Zozketak hitz egin du: Sevilla izango da Erregina Kopako finalerdietako aurkaria Realarentzat. Ligako azkenaurreko postuan sailkaturik daude andaluziarrak, eta gainera zozketak berak neurketa Gipuzkoan izango dela erabaki du. Finala hurbilago dagoela esan genezake. Finalerdia otsailaren 17an jokatuko da.
Zorte ona izan du Realak, bi talderik gogorrenak beste kanporaketan izango direlako aurrez aurre: Atlético de Madrid-Bartzelona, Ligako lehenengoa eta bigarrena, hain zuzen, baita Kopako azken edizioaren finalistak ere.
Hala ere, gehiegi fidatzea inoiz ez da plan aproposa. Final-laurdenetara begiratzen badugu, Sevillak Levante kanpoan utzi zuela ikusiko dugu, Ligako hirugarrena hain zuzen, eta gainera Valentzian jokatu zen partida batean.
Zozketa Granadako Alhambra ikusgarrian ospatu da. Zerbaitegatik, hiri horretan jokatuko da finala, maiatzaren 11an. Egongo al dira hor ere txuri urdinak…?
Deja un comentario