Ostiralean martxan jarriko da Egiako TAO zerbitzua

Egiako gune altuan TAO zerbitzu berria ostiralean jarriko da abian margoketa lanak bukatuta eta txartelak ateratzeko makinak jarri ondoren. Zerbitzuaren xehetasunak Pilar Arana Mugikortasun zinegotziak aurkeztu ditu.
Urria eta azaroa artean Mugikortasun sailak 4.050 liburuxka informatibo banatu ditu etxeetako buzoietan Egiako bizilagunek bezero txartelei buruz informazioa izan dezaten. Gainera, beste 300 liburuxka banatu dira bertako Jarduera Ekonomikoetara zuzenduta.
Pilar Aranak azaldu duenez, «1.360 bezero txartel eta ekonomia jarduerekin lotutako ibilgailuentzako 20 ikur banatu dira. Era berean, txartelak ateratzeko 57 makina eta 86 seinale jarri dira, eta errepidean 7 kilometro inguru margotu dira aparkatzeko gune desberdinak zehazteko».
TAO zerbitzua Egiako goiko aldea egungo 2-3 sektorean kokatu dute eta auzoaren behealdeari ere zerbitzua ematen dio sektore horrek. Guztira, 2.227 aparkaleku arautuko ditu eta, horietatik, 621 bertakoentzako izango dira, 161 TAO komertzialekoak, eta gainerako 1.445 epe ertain eta luzeko aparkalekuak. Hiriko gainerako auzoetan bezala, Egiako TAO zerbitzu berriaren ordutegia astelehenetik ostiralera, 9:00etatik 13:30era, eta 15:30etik 20:00etara, eta larunbatetan 9:00etatik 13:30era izango da.