Orioko itsasontziko gizon bat hil da Kantabrian, arrantzan ari zela

Castro Urdialesen jaiotako gizonezko bat hil da Kantabrian arrantzan ari zela. Istripua egunsentian izan da eta 55 urteko gizonak, G.A.E., Orioko ‘Berriz Ave Maria´ itsasontzian lan egiten zuen. LAB sindikatuak gogorazi duenez 20 langile hil dira aurten, horietatik bi arrantza sektorean. “Sektoreak pairatzen duen prekaritatea eta lan baldintza gogorrak nabarmendu nahi ditugu. Istripu hauen jatorria ia deskantsurik gabeko jardunaldi luzeak dira”, salatu du sindikatuak zeinek erantzukizunak eskatu dituen.