Naturkonek eukaliptoen landaketa politika salatu du

Gipuzkoako 16 erakunde naturalista eta kontserbazionistak sortutako kolektiboa den Naturkonek komunikatu baten bidez salatu du eukaliptoak landatzearen efektu kaltegarriaz. «Gure mendien kolorea aldatzen ari da: pinuaren kolore beltza atzean utzi eta Australiako eukaliptoaren kolore urdinara doaz. Aldundiari bost axola halakoak, pinu zaharren matarrasak diruz laguntzearekin nahikoa ez, eta eukalipto-landaketen aurrean ez ikusiarena egiten baitu; Aldundiak ez du Natur Parkeetan (Izarraitzen edo Arnon, esaterako) eukaliptoa landatzearen ondorioz ezertxo ere egin».
Elkarte naturalistaren esanetan «kalte ekologikoa larriagoa da zenbait espezieren kasuan, hala nola anfibioak, pinuek eta, batez ere, eukaliptoek, haien bizi-zikloa galarazten baitute, Aranzadi Zientzia Elkartearen lanak oraintsu erakutsi duenez». Europa Batasunak 2050erako negutegi-efektua eragiten duten gasen isuriek % 80 murrizteko helburua basorik gabe nola lortu nahi duen, dio Naturkonek.