Miramonen pantografoa kokatzea onartu dute, Dbusek autobus elektrikoa froga dezan

Pantografo bat, zeina autobusaren sabaian zabaltzen den eta karga zutoinarekin konektatzen den, Miramoneko buruko geltokian kokatuko da proiektu piloto gisa 28 linearen elektrifikazioaren barnean. Gaur goizean Eneko Goia alkateak azaldu duen bezala, “ikusi beharra dago pantografo bakarrerekin nahikoa izango den”, karga-hornigailu hauek handiak baitira eta itsasontzi baten bi edukiontziren tamaina dutelako.
Udal gobernuak Dbusek Udaletxearekin duen akordioa berretsi du eta Miramonen burutuko da Irizar Taldeak fabrikatutako autobus artikulatua. Ibilgailua, zehazki, 18 metrokoa da, %100 elektrikoa, eta proba 28-Amara-Ospitaleak linean egingo da. Kotxetegietan gauez kargatzeaz gain, autobus honek aukerako karga egin beharko luke Miramonen, linea buruko geltokian. 28 linea osoaren elektrifikaziorako lehen urratsa da autobus elektriko artikulatuaren proiektu pilotua eta Eusko Jaurlaritza eta Aldundiarekin sinaturiko beste akordio baten ondorioa da.