Mausitxa gipuzkoar gaztandegiak Euskal Herriko Artzai Gazta Txapelketa irabazi du

Mausitxa gaztandegi gipuzkoarra XXXIV. Euskal Herriko Artzai Gazta Txapelketako garaile suertatu da gaur. Nafarroako Kortaria baserria izan da hurrengo sailkatua, eta Patxi Lopez de Uralderen gaztandegiak lortu du hirugarren postua. Nafarroako Antsonea gaztandegiak ere sari berezi bat jaso du.
Sariketan, Araba, Bizkaia, Gipuzkoa eta Nafarroako txapelketa desberdinetan sailkatutako 40 gaztandegi onenak bildu dira. Edizio honetako berritasuna, txapelketaren leku aldaketa izan da, izan ere, Idiazabaleko Pilar Enea parkean izan da lehen aldiz.