Bihar osteguna, azaroak 30, 19:00etan, Koldo Mitxelena Kulturuneak Joxan Artze… espirituaz ere bai! ikuskizuna eskainiko du. Bertan, Andoni Salamerok eta Pello Ramirezek Joxan Artzeren esentzia artistiko eta espiritualaz hitz egingo dute.
Hitzordua Santa Teresa Komentuko Ekitaldi Aretoan izango da 19:00etan. Euskal kulturaren barruan, Joxan Artze artista polifazetikoa izan da. Komunikabideek bere alderdi anitzen berri eman dute: txalapartaria, hamaika kanturen egilea, poeta abangoardista, Ez dok Amairuko kidea… hala ere, prentsak arreta gutxi eskaini dio 39 urtez landutako bere lotura espiritual sakonari.
Ekitaldiak Joxan Artzeren alderdi ez hain ezagun honetan argi egitea bilatzen du. Bere bilaketa espiritualaren testigantza ez ezik, bere poesien irakurketa ere eskainiko da, biolontxeloak lagunduta.
Saioa euskaraz burutuko da.
Ekitaldiaren detaileak:
Data eta ordua: 2023ko azaroaren 30a, 19:00 – 20:45
Lekua: KMKko Santa Teresa Ekitaldi Aretoa, Donostia
Ekitaldia: «Joxan Artze… espirituz ere bai!»
Antolatzailea: KM Kulturunea
Partaideak:
Andoni Salamero
Pello Ramirez
Deja un comentario