Kiko Veneno, Maika Makovski eta Rural Zombies, Pasaiako Itsas Festibalean

Kiko Veneno, Maika Makovski, Morcheeba, Rural Zombies, Anne Etchegoyen eta Serrulla ariko dira maiatzaren 17tik 21era Pasaian ospatuko den Itsas Festibalean. Kontzertuez gain, itsasontziak, gastronomia, artisautza eta aparteko giroa izango dira egun horietan. Maiatzaren 17an, «Herminone» itsasontzia heldu eta gero, Kiko Veneno artista espainiarrak emango du kontzertua. 
Iñigo Argomaniz Get In enpresako zuzendariak esan duenez eszenatoki nagusian ezusteko berezi bat prestatu dute, baina informazioa ez du aurreratu nahi izan eta itxaron egin beharko dugu. Beraz, norberaren irudimenak hegan egin dezala. kontzertu guztiak dohainik izango dira.