Katapulta Tour Gipuzkoa zortzi-musika talderekin eta arte eszenikoetako beste birekin itzuli da

Akaleia, Erromintxelak, Esanezin, Indabe, Latido, Noir Socha, Pelax, The Donkey Riders, Kalte Kolektiboa y eta Lauzpabost Stand Up izango dira parte hartzaileak. Izan daiteke izen horiek oso ezagunak ez izatea, baina talde guzti hauek (zortzi musikakoak eta bi arte eszenitakoetakoak) oso gogor jo nahi dute Gipuzkoako sormen-panoraman eta dagoeneko Katapulta Tour Gipuzkoaren IX. edizioan sartzea lortu dute. Plataforma hau tranpolin bat baino gehiago da eta lehenengo bederatzi urteetan 114 proiektu babestu ditu (88 musikakoak eta 26 arte eszenikokoak).

Gipuzkoako Foru Aldundiko Kultura Sailak eta Kutxa Fundazioak sustatutako programaren edizio honetarako 121 musika proiektu eta 28 arte eszeniko sartu ziren. Behaketaren ondoren, hamar horiek geratu dira.

Goizane Álvarez, Gipuzkoako Foru Aldundiko Kulturako diputatuak jakinarazi zituen sailkatutako 10 taldeen izenak bai eta Katapulta Tour Gipuzkoa programaren IX. edizioko berritasunak ere. Hori Kutxa Fundazioko Ainara Guzmánekin eta Buenawista Prolleckziomseko Imanol Goñezekin batera egin du, azken hori programaren erakunde koordinatzailea da.

Bederatzigarren edizioan, ekimenak aukera ematen die hautatuei zuzeneko lau emanaldi egiteko, prestakuntza-programa bat egiteko eta entseguetarako espazioak erabiltzeko, bai eta sustapen-bideo bat egiteko ere.

Edizio honetan berrikuntza gisa, deialdian sartutako proiektu guztiei komunikazio eta sustapen, eszenografia, produkzio, ekonomia eta fiskalitaterako prestakuntza programa batean doan parte hartzeko aukera emango zaie. Gainera, Kutxa Fundazioaren Kluba aretoa bigarren urtez jarraian gune eszeniko gisa txertatuko da.

Gipuzkoako eszenaren bizitasuna

“Kultura eta Gazteria sailak lanean jarraitzen du kultura Gipuzkoako txoko guztietara hurbiltzeko. Garrantzitsua da gazteei laguntzea eta lurraldean dugun lekuko talentua sustatzea. Irmo sinisten dugu kulturak eta arteek gure gizartea aberasteko eta gipuzkoarron bizitasuna bultzatzeko duten ahalmenean”, adierazi du Goizane Álvarezek, Kulturako diputatuak.

Era berean, Ainara Guzmánek, Kutxa Fundazioko arduradunak, adierazi du “profesionalizazioa funtsezkoa dela”, eta horregatik azpimarratzen da programa honetan prestakuntza.

Katapultaren indarra neurtzeko, gogoratu behar da bederatzi deialdi hauten 713 artisten 1.027 inskripzio jaso direla. Urte honen amaieran 114 proiekturi lagunduko zaie (88 musikakoak eta 26 arte eszenikokoak).

Estiloei dagokionez, aurtengo musika-proposamenak hainbat eratakoak dira: Rock-mota desberdinak daude (Pop- Rock, Rock&roll, Hard rock, Stoner, Hardcore, Metal), Pop, Blues, Soul, Jazz, Folk, Hip Hop, Flamenkoa, etab. Arte eszenikoaren proposamenetan; umorezko bakarrizketak, antzerki-piezak, txotxongilo-piezak, magia-ikuskizunak, performanceak eta abar sartzen dira.

Protagonistak

AKALEIA Oihana Rodríguez Zumaiako artista gaztearen musika-proiektua da. Jatorriz teklista da. Donostiako Francisco Escudero Musika Kontserbatorio Profesionalean piano klasiko ikasketak amaitu ondoren, konposizio-ikasketak Musikenen hasi zituen eta bertan 3 urteko ikasketak egin zituen. Banda ugariren ostean, Akaleiak bakarkako proiektuari hasiera ematea erabaki du “Ondoloin” izeneko lehen lan luzearekin. Akaleia (bideoklipa): www.youtube.com/watch?v=opIu_7wHg6Y

ERROMINTXELAK 2021ean sortutako Arrasateko swing taldea da. Kideak Jon García (ahots eta gitarra), Iñigo Zubizarreta (manouche gitarra), Aitor Moreno (kontrabaxua), Jokin Vitoria (washborda, bateria eta koroak) eta Andoni Aizpuru (saxo sopranoa) dira. Guztiek musika ikasketak dituzte eta Euskal Herriko musika eskoletan zein kontserbatorioetan aritzen dira irakasle bezala. Euskaraz kantatuz eta musika-tresna akustikoak erabiliz, ikuskizun aparta eskaintzen dute. Swing eta gipsy musikaren ezaugarri dibertigarrietan oinarrituta, ikusleak dantzan jartzen dituzte. 2023ko abenduan argitaratu zuten lehen singlea, “Esperoan” izenekoa, Kaki Arkarazorekin grabatu zuten Garate estudioetan. Erromintxelak (Danbaka Live): www.youtube.com/watch?v=i6toL8sXQqw

ESANEZIN Ianire Aranzaberen musika-proiektua da (Altzagarete, 1999). 2021ean lehen urratsak eman zituen «Aireratzen» EP-a argitaratuz, zazpi abestirekin. Lehen kontzertuak bakarka eman ondoren, laukote formatua hartu zuen, Arri Iraeta, Iñigo Asensio eta Imanol Rubio lagun zituela. 2023an, pixka bat urrundu zen agertokietatik eta lehen lan luzea egin zuen, «Erretratu Bat» izenekoa. Esanezin (Bideoklipa): www.youtube.com/watch?v=zDWYBqKNsZY

INDABE Donostiako Antiguoko auzoan jaio zen. Hasieran, elkarrekin jotzeko gogoa zuten hiru nesken taldea zen eta 2021ean laukote bat osatu zuten taldea beste maila batera eramateko. Uxue Estrada (ahotsa eta gitarra), Nora Azurza (gitarra), Amaia Bengoetxea (baxua) eta Peru Blanco (bateria) dira. Bi urte inguru Gipuzkoako jai eta gaztetxeetan jotzen igaro ondoren, “Noiz arte?” maketa atera zuten. Orain argitaratu berri dute “Azaletik”, taldearentzako bide
berri baten hasiera markatuko duen kanta. Indabe (maketa): www.youtube.com/watch?v=s-cxzronnrQ

Donostiako lau lagunek osatzen dute LATIDO taldea: Telmo Casal (gitarra), Niko Brocal (ahotsa), Unai Arruabarrena (bateria) eta Marco Holzner (baxua). Aurreko “Love 23” musika-proiektuarekin, 2021ean “Heart” argitaratu zuten, zazpi abestiz osatutako lehen maketa, haiek grabatua eta argitaratua, eta Pixies, Smashing Pumpkins edo Velvet Underground bezalako eraginak izan zituen. Agertokietan eta tokiko musika-zirkuituan hiru urte baino gehiagoko esperientzia izan ondoren, gaur egun “Latido” denera eboluzionatu dute. Taldearen Instagrama: https://www.instagram.com/latidoesruido/

NOIR SOCHA Ordiziako taldea osatzen dute Suso Donsion Alegre (baxua), Iban Martin Lemiña (teklatuak eta koruak), Xabier López Achega (bateria eta koroak), Joseba Basarte Galarza (ahots nagusia eta gitarra) eta Joseba De Arriba Madrazo (gitarra eta koroak). Izen bereko proiektu berria eta EP-a aurkeztu dute, urte askoan euskal musika eszenaren barruko hainbat proiektutan parte hartu ondoren: Erga Omnes (Donostia Hiria VIII. Pop Saria), Nuke (2005 Gaztea Entzulego Saria), Lain (2008 Gaztea Sari Nagusia), edo Peachy Joke (2013 Saria). Presarik gabe lan eginez eta bere jatorri eta eraginei omenaldia eginez, bost musikari hauek EP biribil batekin astintzera datoz entzulegoa; berezko izaera eta nortasun propioak agerian uzte ditu EP honek, soinuaren DNAn eragin nabariak ezkutatzeari utzi gabe, zeina 90eko hamarkadako eszena alternatibotik abiatzen baita oinarri gisa. Bideoklipa: www.youtube.com/@noirsocha

PELAX 2013an jaio zen Unai Pelayoren eskutik. Denborarekin, bakarkako planteamendua zena talde-proiektu bihurtu zen, nahiz eta noizean behin kontzertuak bakarrik eskaintzen dituen. Pelax Iker Vázquez (bateria), Iñigo Ozaeta (baxua), Andoni Olaetxea (gitarra) eta Unai Pelayo (gitarra, ahotsa eta letrak) dira. Bost dira urte hauetan Pelax-ek argitaratu dituen LPak. Urtarrilaren 9an “Esan gabe doa” izeneko disko berria kaleratu zuten, 8 gaiz osatua eta modu analogikoan grabatua Berako Atala (Nafarroa) estudioetan, Balio Dute zigiluaren bidez. (Zuzenean- Dabadaba aretoa- 2019ko Ekaina): www.youtube.com/watch?v=dekm8W86zG0

KALTE KOLEKTIBOA sei gaztek osatutako antzerki konpainia da: Omar Somai Lasa, Gaizka Sarasua Sorondo, Iholdi Beristain Martínez, Ander Lacalle Pérez, Eider Villalba Arrieta eta Oihan Carramiñana Zaldua. «Donostiako AETn (Donostiako Arte Eszenikoen Lantegian Tailerrean) ezagutu ginen», diote, «beraz, gure sorkuntza-dinamika jolasean oinarritzen da batez ere. Guretzat antzerkia adierazpen-joko bat da, iruditzen zaigulako abiadura frenetiko eta emankorreko bizitza honetan, jolasteko denbora bilatzea eta, hartara, sentitzea iraultzailea dela».

LAUZPABOST STAND UP 5 bakarrizketetako formatuan egindako proiektu berria da, 5 umorista gaztek osatua: Mikel Irazusta (Donostia), Maialen Sorzabalbere (Donostia), María Blanco (Zestoa), Julen Portillo (Zarautz) eta Iker Plazaola (Oñati).

Maria: Telebista munduan “Barre librea”, “Abiapuntua”, “Nos echamos a la calle” eta “Egunak egin du” bezalako programetan parte hartu du. Gaur egun, irratiko “Benetan Zabiz” podcastaren laguntzailea da, eta Donostiako AETko aktore gisa trebatzen da.

Julen: “Galdedebalde” irratsaioaren sortzailea eta kidea (6 urte) eta Zarauzko “Alproja Antzerki Taldea”-ko kidea (12 urte). 2020an egin zuen lehen bakarrizketa “Barre Librea”-n.

Iker: “Zarramarra” podcast-eko esataria, ETBko “Gora Bihotzak” saioko kolaboratzailea, “Huezinema”-ren aurkezlea… Bakarrizketa-karrera hasi zuen “Barre Librea”-n. Gaur egun, ikus-entzunezkoen ikaslea da.

Maialen: “Barrexerka”-ren sortzaileetako bat (5 urte), Gaztea eta Naiz irratietako esataria, “Polaina” podcastaren sortzailea eta aurkezlea, “Hau ez da Niretzat” eta “Zer” webserieetako protagonista… Gaur egun, EITBko hainbat telesail eta programatako gidoilaria da, eta “Zurriola Antzerki Eskolan” egiten du lan.

Mikel: “Barrexerka”-ren sortzaileetako bat, gidoilaria eta ETBko zenbait programatako aktorea (“Bekaduna”, “Hil kanpaiak”, “Arnasa gara”), eta “Karkarkarar” proiektuko parte-hartzailea.