Jon Santacana donostiarrak, zilarra Paralinpikoetan

Hirugarrenean eta merezimendu osoz. Jon Santacana eta Miguel Galindo (gidatzailea) eskiatzaileek zilarrezko domina lortu dute gaur goizean PyeongChangeko Joko Paralinpikoetako Superkonbinatu proban. Egun hauetan podiuma lortzeko zorian ibili dira Supererraldoi eta Jaitsiera probetan.
Desgaitasun bisuala du Jonek eta berriro ere historia egin du bederatzigarren domina paralinpikoarekin, Espainako komite Paralinpikoak gogoratu duenez. Eta PyeongChangeko Jokoetan aukera gehiago daude bai Erraldoian eta baita Eslalonean ere.