Ia 1.300 errefuxiatu igaro dira Euskadin dauden 418 plazeta

Eusko Jaurlaritzak errefuxiatuen harreraren eta gizarteratzearen inguruan eginiko ekintzen balantzea aurkeztu du. 2017aren amaierara arte, Euskadin, 418 plaza sortu dira eta, bertatik, 1.297 eskatzaile igaro dira. Horietatik 134 pertsona birkokatzeko eta birfinkatzeko alorrekoak dira. Bestetik Eusko Jaurlaritzak eta Espainiako Gobernuak lankidetza-hitzarmena sinatu dute Euskadiko zazpi udalerritan esperientzia pilotua ezartzeko (besteak beste, Tolosan eta Zarautzen), harrera eta gizarteratzea hobetzen jarrai dezaten. Aurtengo urterako helburua 500 plaza sendotzeko lan egitea da eta, krisiaren hasieratik, 2.000 pertsonen kopuru metatura iristea.