Hezkuntza pribatuko langileen % 70ek bat egin dute grebarekin, sindikatuen arabera

Gizarte Ekimeneko itunpeko ikastetxeetako lehen greba egunak %70eko jarraipena izan du sindikatu deitzaileen esanetan, eta Donostian manifestaldi handi bat izan du erdiguneko kaleetan zehar. Grebak Kristau Eskola eta AICE-IZEAko zentroetan du eragina eta itunpeko hezkuntzaren sektoreko sindikatu guztien babesa dauka (ELA, LAB, Steilas, CCOO eta UGT).
Sindikatuak sektorearen arazo larriak izendatu dituzte, hala nola, lan kargaren hazkundea; jaiotza-tasaren beherakada dela-eta kaleratzeak; eta erosmen ahalmena galtzea.