Haurreskolen doakotasuna eskatu du LABek Familia eta Haurren itunean

Eusko Jaurlaritzak, foru-aldundiek eta euskal udalerriek politika publikoak bultzatuko dituen Familia eta Haurren Ituna sinatu zuten atzo. LABek azpimarratu duenez itun honetan «ez da betetzen umeak jaiotzetik duen hezkuntza eskubidea eta ez da inongo aurrepasorik ematen hezkuntzaren doakotasunean».
Sindikatuak nabarmendu du haur-ezkuntzako lehenengo zikloa gastua baino inbertsioa dela. «Beraz, lotsagarria iruditzen zaigu hilean 210 euro pagatzea 8 orduko hezkuntza zerbitzu batengatik. Gainera, herri txikietako haurreskoletan ez da eskubide hori bermatzen, soilik 7 ordu eskaintzen dituztelako».