Eibar-Bartzelona partiduan Alfako langileak Ipuruan manifestatuko dira

Alfako langileen greba mugagabeak 83 egun beteko ditu bihar larunbata, otsailak 17. Hori dela eta, Eibar eta Bartzelonaren arteko partiduaren (Ipurua, 16:15etan) 83. minutuan txartel gorriak aterako dituzte pairatzen ari diren lan gatazka salatzeko. Komunikatu batean aipatu dutenez, grebalariak Ipurua futbol zelaiaren kanpokaldean karpa bat muntatuko dute, 14.30etatik 17ak arte.