Eguzkik «ehiztariekin klientelismoa» leporatu dio Diputazioari elurteekin ehiza bertan behera ez uztegatik

Eguzki ekologista taldeak Diputazioari leporatu dio «ehiztariekin klientelismoa» praktikatzen duela aurreko asteburuan, hilak 1 eta 3, ehiza bertan behera utzi ez izana elurraren ondorioz, eta honek dakarren ondorio latza animalia-espezientzat. «Gainontzeko Foru Aldundiek ehiza bertan behera utzi dute. Bereziki adierazgarria iruditzen zaigu Bizkaiko kasua, alor honetan Gipuzkoarekin antzekotasun handiagoa duelako Arabakoak baino. Bizkaian ehiza bertan behera utzi dute, Gipuzkoan baino dezente elur gutxiago izan badute ere. Gipuzkoako Aldundiak, aldiz, ezer ez egitea hobetsi du».