Bertan behera geratu da Jon Barcena Gorbeian bilatzeko lana, beste nonbait omen baitago

Josu Zubiaga Segurtasun sailburuordeak gaur goizean adierazi du, boluntario eta profesionalei eskerrak eman ondoren, Jon Barcena Gorbeia mendi inguruetan bilatzeko lanak bertan behera utzi dutela beste leku batean egon daitekeen zantzuak azaldu direlako. Zubiagak zehaztu duenez, hemendik aurrera poliziak aztertuko du kasua.
Gogoratu beharra dago, 19 urteko berriztarra Gorbeia mendi inguruetan aurreko larunbatean desagertu omen zela eta geroztik ehundaka lagun ibili direla bere bila.