Bang Bang Zinema ‘Bitelchus’ eta ‘La cosa’rekin bueltatuko da urriaren 21ean

Itzelezko ñabardurak dituzten bi pelikula ederrekin, Tim Burtonen ‘Bitelchus’ eta John Carpenterren ‘La cosa’, bueltatuko da Bang Bang Zinema ikasturte honetan, urriaren 21ean, Antzoki Zaharrera. Hemendik eta ekainera arte, bost saio egongo dira; pentsatzekoa da beti bezain animatuak izango direla.
Saio guztietarako bonuak jarriko direla salgai da berritasuna. Uda honetako saio bereziaren finantzaketan lagundu zuten Bang Bangeko bazkideentzat 40 eurokoa izango da prezioa, eta gainerakoek [email protected] idatzi beharko dute. Irailaren 20tik aurrera eros daitezke bonu hauek eta 50 euro kostatuko dira. Gainera, bonu hauek denboraldi bukaerarako sarrera ziurtatzen dute.
Irekiera-ziklo sesiorako sarrerak, urriaren 21ean, hilabete bereko 2an jarriko dira salgai, eta 8 euro gehi gastuak kostatuko da.