AHTren langileen bileran ez dira Adif eta Coprosa agertu

ELA sindikatuak gaur goizean Preco bulegoetan (lan erlazioen kontseiluan) elkartzeko deialdia luzatu die Gaintxurizketan eraikitzen ari diren azpiegituraren Abiadura Handiko Trenaren langileei, enpresaren egoera larria dela eta. Azkenean ez da Adif eta Coprosako inor azaldu eta langileak informazioa eskatzen jarraitzen duten bitartean kanpoan manifestatu dira.
Martxoaren 2ra arte zehazki, tunel baten eraikuntzarekin aritu dira lanean. Coprosa izan da orain arte obrak egiten aritu den enpresa, Adif-ek obrak hari esleitu ostean. Martxoaren 2tik bertako 30 langileak geldirik daude empresa asturiarra hartzekodunen konkurtsoan sartu delarik.