Garapenerako Lankidetzerako Laguntzen helburua Hego Globaleko herrialdeetan garapena sustatzen duten proiektuak bultzatzea da, egoera ahulenean dauden komunitateen ongizateari modu esanguratsuan lagunduz.
Laguntza deialdi honek Gipuzkoan egoitza edo ordezkaritza duten erakundeei laguntzea du helburu. Zehazki, hainbat arlotan Garapen Iraunkorreko Helburuekin (GJH) bat datozen proposamenak aurkeztu beharko dituzte pobrezia, osasuna, hezkuntza, genero-berdintasuna, garapen ekonomikoa eta jasangarria bezalako arloetan, besteak beste. Proiektu horiek tokiko erakunde bazkide batekin lankidetzan ezarri beharko dira herrialde hartzaileetan.
Deialdi honetara bideratutako funtsak DADeko eta Jubikutxako bazkideen ekarpenetatik datoz, eta Kutxa Fundazioak berdindu egiten ditu, eraldaketa sozialarekiko eta guztion ondasunarekiko konpromisoa sendotuz.
‘Konpromisoa bultzatuz’ lan-ildoaren baitako laguntzak
Kutxa Fundazioak ekainaren 11an aurkeztu zuen azken urteetan landu duen bere 2024-2030 Plan Estrategiko berria, etorkizun iraunkor eta zuzena eraikitzeko erronkari helduz.
Helburu hori lortzeko, lau jarduera-lerro eraiki edo sortu dira, erakundeekin eta gizartearekin partekatuta daudenak: Gaitasunak piztuz, Ezagutza biziz, Konpromisoa bultzatuz eta Aukerak irekiz. Garapenerako Lankidetzarako Laguntzak hirugarren blokearen barruan kokatzen dira, ‘Aztarna Ekosoziala’ programaren baitan hain zuzen ere.
Programak gizarte- eta ingurumen-erakundeen kudeaketa eta ikuspegi estrategikoa hobetzea du helburu, beraien eraldaketa-lan nekaezina ikusaraziz, berrikuntza-gaitasuna indartuz eta eraldaketa digitalean lagunduz.
Eskatzeko epea
Proiektuak aurkezteko epea 2024ko urriaren 1ean hasiko da eta 2024ko urriaren 28an itxiko da. Proposamen guztiak Kutxa Fundazioaren deialdien atariaren bidez bidali beharko dira, eta hautatutako proiektuak 2024ko abenduaren 2an iragarriko dira.
Deja un comentario