400 etxe turistikotik gora erregistratu dira udalean

Datorren osteguna, hilak 12, arte zabalik dago Donostian etxebizitza turistikoaren erabilera eta ohiko etxebizitzetako logelak erabilera turistikorako alokatzeko eskakizunak aurkezteko epea. Ernesto Gasko alkateorde sozialistak adierazi duenez, prozesua «lasaitasunez eta aglomeraziorik gabe» suertatzen ari da. Astebete falta denean eskakizunaren epea ixteko, guztira «409 etxebizitza eskakizun aurkeztu dira udalean. Aurretik, legearen barne zeuden beste 362 etxebizitza turistiko gehitu behar zaie eta, azkenik, bideratzeko zeuden gainontzeko 324 etxebizitza».
Parte hartzeko gaitasuna duten eskabideen harrera-prozesua amaitu ostean, «banan banan», kasu guztiak aztertzen joango direla adierazi du Gaskok, eta horrela udaletxeak onartu berri duen araudi turistikoa betetzen duten ala ez ikusiko dute.