20 pertsona hotzetik babestu ditu Abegi Etxearen ate irekien zerbitzuak

Muturreko baldintza meteorologikoen abisuaren ostean, Donostiako udalak atzo gauean zabaldu zuen Abegi Etxearen ate irekien zerbitzua. Udaletxeak 80 leku eskaintzen ditu urtean zehar kalean daudenei babesteko helburuarekin eta hotzaldiak iragarrita daudenean zerbitzua zabaltzen da. Kasu hauetan Abegi etxean beste bi egongela irekitzen dira. Gaur gauean zerbitzu berbera martxan jarriko dute.
Aitziber San Román Ongizateko zinegotziaren esanetan, «gaua ondo joan da eta neguko protokoloa abian jarri da tenperaturaren jaitsieraren abisua eta gero. Guztira 20 lagun hurbildu dira ate irekien zerbitzura».